magic$amar : سياسة امه...

كعادتي كل يوم من ايامنا ال.... حلوه,

بعد بهدلت الكليه و المستشفى و الدروس طبعا... اهم حاجه في اساس مصر التعليمي دلوقتي... و بعد القيلوله الي بقوم بعدها تعبانا اكتر من قبلها...عملت كوباية النسكافيه الي متعوده اخودها 11 بليل كانها حباية الدماغ...

و فتحت التليفزيون و كالعاده بردوا فتحت قناة MBC4 , و عملت القناه MUTE, بردوا كالعاده انها مجرد ونس جمبي .. حركه من غير صوت عشان ابدا أذاكر اقل من ربع الي اخته في اليوم من اوله قبل ما ادروخ وأنام بعد الفجر.. عشان ابدا من الساعه8 صباحا الموال ده تاني.

سميت بالله و بدات احفظ كاكتاب بس على الاقل فاهمه الحمد لله.. و مش عارفه ليه بس عيني وقعت على التي في و لقت الاخبار شغاله و جيبين صور من موقع واضح ان فيه ضرب نار .. و ناس بتجري ,,و آه علم اسرائيل...فتحت الصوت و بدات أتابع الخبر....

(alot of families have been disterbed and now they r fritened of sleping the nitgh that they may be attaked again)

بايه بالظبط حجاره و لا رصاص مسش عارفه؟؟

(injeries and one killed.......some injeries in houses and one care on fire)

الاهي تولعوا كلوكم....

المهم طلعوا من الخبر دا على خبر عن الرئيس بوش...ما جمع الا ما وفق..

بصراحه دمي فار.. لاخبار دي أمركيه ...مصورين الاسرائيليين على انهم مش بينامو الليل من الرعب.. و ياعين على الخساير في الارواح و الممتلكات مش ملحقين عليها , يا حرام بجد صعبوا عليا...

كل الي كان في تفكيري ان فعلا هما مصورين الموضوع على انهم هما الي مغتالين و ضحايا و ان الي مش متابع غير القنوات دي فكرته كلها ان العرب ارهاب و بس..

بعدها بقيت عصبيه جدا و مش عارفه أهدى .. مش عارفه دا من النسكافيه و لا البلاوي الي بنشوفها عن اليهود...

قولت خليني أذاكر احسن .. و عملت كا الشباب العربي الي مطحون فيلدراسه و الشغل عشان ميكونش فاضي للقضايه دي...سياسة امه.... و بعد 3 سعات من محاولت التركيز الكتاب عمل مفعوله و استسلمت للنوم... كالعاده بردوا...